૪૦ વર્ષો પછી ગીરની ધરતીની સોડમ માણવાને જવાનું થયું. હિંસક વન્યજીવો વચ્ચે રહેતા માનવીઓ પ્રકૃતિના સહ અસ્તિત્વના સિદ્ધાંતને સાચા અર્થમાં અહીં સાકાર કરતા જોવા મળે છે. ફળદ્રુપ કાળી માટી ધરાવતી જમીનમાં લહેરાતા ખેતપાકો , ઓઝત અને હિરણ જેવી નદીઓના પાણીથી સમૃદ્ધ ભોમકા માણવી ગમે એવી છે. વન્યજીવો અને વનસ્પતિઓની વિવિધતા ધરાવતી ગીર વચ્ચે વિહરતા ખાનદાની સાવજો ગીરનું ઘરેણું છે.
પચાસ હજાર કરતા વધુ લોકોને માઉન્ટેનરીંગ ટ્રેકિંગની તાલીમ આપી ચુકેલા અને ગીરના જંગલો અને પર્વતોને ઘમરોળી ચુકેલા અડસઠ વર્ષની આયુ ધરાવતા વડીલ મિત્ર શ્રી સુનિલભાઈ ભટ્ટના ગીર સાથેના અનુભવો સાંભળવાની મઝા કંઈક ઔર છે.
ગીર પંથકમાં પ્રકૃતિ સહજ ટકાઉ જીવનશૈલી જીવતા ખેડૂતોને જોઈને અનહદ આનંદની અનુભૂતિ થઈ.
સસણ ગીરની મુલાકાતનો આ વિડીયો જોવો આપને જરૂર ગમશે.
